విపత్తు సృష్టించిందీ చక్రవాకం

అలలతో కొట్టి
కలలు పోగొట్టి
పొలాలు చుట్టు ముట్టి
ప్రజల కడుపు గొట్టి
విపత్తు సృష్టించిందీ చక్రవాకం

ఒడ్డున పడవ లేదు
గుడిసె పై కప్పు లేదు
కడవ లోన నీరు లేదు
కంటినిండ కునుకు లేకుండా
విపత్తు సృష్టించిందీ చక్రవాకం

చెట్లు విరిగిపడి
స్తంబాలు తిరిగిపడి
వాహానాలు ఎగిరిపడి
ఊహించ నలవిగాకుండా
విపత్తు సృష్టించిందీ చక్రవాకం

గుడి ముంపు బడి ముంపు
తలలు వాల్చిన గుంపు
కలలు కూల్చిన ముప్పు
చెరగని కష్టాల రచింపు
విపత్తు సృష్టించిందీ చక్రవాకం

దారులన్నీ నీట నిండి
ప్రజకంట కన్నీరు నిండి
ఇళ్ళలోన నీరు నిండి
జీవితాన కష్టాలు దండి
విపత్తు సృష్టించిందీ చక్రవాకం