గుండెలో నీ గుడి

ఈ మధ్యే గుండె లయతప్పిందట
అన్ని పరీక్షలు చేసి
కొన్ని మందులు వ్రాసి
చెప్పారు వైద్యులు జాగ్రత్త అని
గుండె నిండా నీ చిత్రాలు రక్తానికి అడ్డం పడుతున్నాయట
ఇది నా వ్యాధి ముదిరిందని చెప్పటానికి అద్దం పడుతుందట
గుండె చప్పుడు మారి కూని రాగాలు తీస్తుందట
ఇది జబ్బుల జాబితాలో క్రొత్త విషయమని శలవిచ్చారు
నీ కౌగిలింతలతో గుండె వేగం పెరిగే అదృష్టముందన్నారు స్నేహితులు
శస్త్ర చికిత్స చేస్తామంటే
ఎక్కడ నీ జ్ఞాపకాలు గుండెల్లోనుండి ఎగిరిపోతాయోనని వద్దన్నా
గుండె మార్పిడి నేను కుదరదన్నా..చూశావా త్యాగాలమయమయ్యింది జీవితం
గుండెలో నీ గుడి కట్టమని నిన్ననే మేస్త్రిని కలిశా
ఎండాకాలం ఇసుక వెల ఎక్కువని కాస్త ఆగమన్నాడు
నీకై నేను చేయని ప్రయత్నంలేదు
నీవు త్వరగా నన్ను చేరకపోతే
నే చేజారిపోయే ప్రమాదముంది

కామెంట్‌లు లేవు:

కామెంట్‌ను పోస్ట్ చేయండి

Add your comment here