అన్నపూర్ణ ఒకనాడు

అన్నపూర్ణ ఒకనాడు
కాలేకడుపు ఈనాడు
పంట చేతికొచ్చినపుడు
బండ్ల నిండా ఒడ్లమూటలతో
ముసిముసిగా నావ్వుతూ
మీసాలు మెలివేసెను నాడు
పట్టణంలో పొట్ట చేతబట్టి
పొగ బండ్ల మధ్య ఉక్కిరిబిక్కిరౌతూ
గోడుగోడుమని ఏడుస్తున్నాడు నేడు
పదిమందికి పని ఇచ్చి
రాజులా బ్రతికెను నాడు
కూలీగా, కరవు ఆనవాలుగా
బరువుగా బ్రతుకీడుస్తున్నాడు నేడు
చెరువులకై దానమిచ్చి
గుడులకు, బడులకు దానమిచ్చి
గుప్పెడు ఆత్మ విశ్వాసంతో బ్రతికెను నాడు
గొట్టం బావులు పనికిరాక
గుక్కెడు నీరు కొనలేక
గరళం మ్రింగుతున్నాడు నేడు
పండుగంటే పల్లేల్లో మొదలవ్వాలనే వారు నాడు
పల్లేలే కనుమరుగయ్యి స్మశానాలౌతున్నాయి నేడు
ఇది వినాశనం
రైతు బ్రతకలేని రాజ్యం రాక్షసుల నిలయం
ఇది స్వనాశనం